Azərbaycanda istehsal olunan buğdanın həcmi azalsa da, məhsuldarlıq ARTIB

2025-ci ildə dənli və dənli paxlalı bitkilərin biçin nəticələrinə nəzər saldıqda ötən ildəki 995,7 min hektarla müqaisədə biçilməsi planlaşdırılan ümumi sahə 939,1 min hektar təşkil edib ki, bu da təxminən 56 min hektar və ya 6 faiz azalma deməkdir.

GDP Dövlərt Stistika Komitəsinə istinadla xəbər verir ki, biçilmiş sahə də 979,3 min hektardan 924,4 min hektara enərək təxminən 55 min hektar azalıb. Lakin sahənin həcminin azalmasına baxmayaraq, kənd təsərrüfatı sektoru məhsuldarlıqda əhəmiyyətli irəliləyiş əldə edib.

Belə ki, hər hektardan orta məhsuldarlıq 30 sentnerdən 32,1 sentnerə qədər artaraq hektar üzrə 2,1 sentner yüksəlib və bu da 7 faizlik artımın göstəricisidir. Bu məhsuldarlıq artımının birbaşa təsiri ilə əkin sahələrinin azalmasına rəğmən ümumi məhsulun həcmi 2937,3 min tondan 2971,8 min tona yüksəlib. Beləliklə 34,5 min tonluq artım qeydə alınıb ki, bu da 1,2 faizlik müsbət dinamikanı nümayiş etdirir.

Məhsulun növlər üzrə strukturunda da ciddi dəyişikliklər müşahidə olunur. Buğda istehsalı 1680,3 min tondan 1582,8 min tona enərək təxminən 98 min ton azalıb. Beləliklə buğdanın ümumi məhsuldakı payı 57,2 faizdən 53,3 faizə düşüb.

Buğdanın tam əksinə olaraq arpa istehsalı 1227,4 min tondan 1349,9 min tona qədər artaraq təxminən 122 min ton yüksəlib və payı 41,8 faizdən 45,4 faizə qalxıb ki, bu da 10 faizlik əhəmiyyətli artıma bərabərdir. Digər dənli və dənli paxlalı məhsulların istehsalında daha da kəskin irəliləyiş müşahidə edilir – bu seqmentində olan bitkilər 29,6 min tondan 39,1 min tona yüksəlib ki, bu da təxminən 9,5 min tonluq artım və 32 faizlik rekord artım deməkdir.

Rayonlar səviyyəsində də məhsuldarlıq baxımından Hacıqabul və Ağcabədi rayonları sabitlik nümayiş etdirərək müvafiq olaraq 51,4 və 44,4 sentner hektar başına göstəricini qorumuşdur. Sabirabad rayonunda isə cüzi artım qeydə alınaraq məhsuldarlıq 43,4 sentnerdən 43,6 sentnerə yüksəlib. Samux rayonunda əhəmiyyətli irəliləyiş müşahidə olunmuş və məhsuldarlıq 37,6 sentnerdən 43,1 sentnerə qalxaraq hektar üzrə 5,5 sentnerlik əhəmiyyətli artım qeydə alınıb.

Ümumi məhsul istehsalı kontekstində isə Şəki rayonu ən yaxşı performansı nümayiş etdirərək 152,7 min tondan 173,2 min tona qədər artımla təxminən 20,5 min tonluq yüksəliş göstərib ki, bu da 13,4 faizlik əhəmiyyətli artım deməkdir. Cəlilabad rayonu 224,7 min tondan 229,8 min tona qalxaraq 5,1 min tonluq artım, Ağcabədi rayonu isə 144,9 min tondan 154,3 min tona yüksələrək 9,4 min tonluq müsbət dinamika göstərib. Füzuli rayonunda da 130,7 min tondan 138,9 min tona qədər 8,2 min tonluq artım qeydə alınıb. Ancaq Kürdəmir rayonu istisna təşkil edərək istehsalında 125,2 min tondan 121,5 min tona qədər 3,7 min tonluq azalma ilə üzləşib.

Ümumi göstəricilər:

Məhsulun növlərə görə payı:

Rayonlar üzrə əsas müqayisələr:

1. Məhsuldarlıq (sentner/ha):

2. Ümumi məhsul istehsalı (min ton):

Müəllif:Aynur Qəniyeva