4SIM-in rəhbəri Fariz Cəfərov Dünya İqtisadi Forumunun sessiyasında çıxış edəcək

IV Sənaye İnqilabının Təhlili və Koordinasiyası Mərkəzi (4SİM) San-Fransiskoda IV Sənaye İnqilabı Mərkəzləri şəbəkəsi üçün qlobal texnologiya forumunda iştirak edir.

GDP xəbər verir ki, tədbirdə 110 məruzəçi çıxış edəcək.

Bu il forumda 219 təşkilatdan 300-ə yaxın ekspert iştirak edir. Forumun əsas məqsədi texnoloji innovasiyalar vasitəsilə inklüziv iqtisadiyyatlara və cəmiyyətlərə töhfə verməkdir.

4SIM-in icraçı direktoru Fariz Cəfərov Dünya İqtisadi Forumunun (WEF) Enerji və Materiallar Mərkəzinin təşkil etdiyi Yeni Enerji Balansı sessiyasında məruzəçi kimi çıxış edəcək. O, həmçinin üzvü olduğu AI Governance Alliance platformasının iclasında iştirak edəcək.

Səfər zamanı Silikon Vadisi və Stenford Universiteti ilə əməkdaşlıq çərçivəsində görüşlər nəzərdə tutulub.