2025-ci ilin 30 sentyabr tarixinə olan PAŞA Bank-ın maliyyə nəticələrinə görə bankın ümumi aktivlər 2024-cü ilin müvafiq dövrü ikə müqaisədə 4,2% artıb artaraq 8,575,821 min manatdan 8,932,496 min manata yüksəlib.
GDP xəbər verir ki, bu artım əsasən banklar və digər maliyyə institutlarındakı depozitlərin 83,6% artım (1,039 mln. manat) hesabına baş verib. Lakin nağd pul vəsaitləri və ekvivalentləri 52,6% azalaraq 821,802 min manata düşüb.
Eyni zamanda müştərilərə verilmiş kreditlər (xalis) 3,7% artıb 3,258,950 min manata çatıb. Kredit portfelinin strukturunda biznes kreditləri 2,6%, daşınmaz əmlak kreditləri 13,8% artdığı halda, istehlak kreditləri 17,9% azalıb.
Digər aktivlər də 50,8% artaraq 291,317 min manata yüksəlib, bu da ehtimal ki, yeni investisiya və əməliyyat genişlənmələri ilə əlaqəlidir.
30 sentyabr tarixinə PAŞA Bank-ın ümumi öhdəliklər 2,6% artıb artaraq 7,737,070 min manatdan 7,936,337 min manata çatıb. Depozitlər ümumilikdə 1,4% azalıb, lakin bu azalma əsasən fiziki şəxslərin depozitlərinin 8,1% azalması hesabına olub. Əvəzində hüquqi şəxslərin depozitləri 1,3% artıb 5,006,516 min manata yüksəlib.
Bankın REPO əməliyyatları çox kəskin artıb (628%) – 7,500 mindən 54,603 min manata qədər. Bu, qısamüddətli likvidlik cəlbi və aktiv idarəetmə strategiyalarını göstərir.
Kredit təşkilatları və digər maliyyə institutları qarşısında öhdəliklər 37,8% artıb 831,311 min manata çatıb, bu da xarici və daxili maliyyələşmə mənbələrinin daha aktiv istifadəsini göstərir.
2025-ci ilin 3-cü rübünün sonuna PAŞA Bank-ın kapitalı 18,8% artaraq 996,159 min manata yüksəlib. Bu yüksəlişin əsas mənbəyi bölüşdürülməmiş mənfəətin 37,2% artmasıdır.
Ümumi ehtiyatlar da 1,3% artıb 64,197 min manata çatıb. Xüsusilə kreditlər üzrə ehtiyatlar 10,2% artıb, bu isə risklərin idarə olunması üçün bankın əlavə qoruma tədbirləri gördüyünü göstərir.
Bununla belə, qiymətli kağızların yenidən qiymətləndirilməsi mənfi nəticə verib (–154,7%), bu da bazar dəyərlərinin dəyişməsi ilə əlaqəlidir.
2025-ci ilin 3-cü rübündə faiz gəlirləri 10,4% artaraq 396,724 min manata yüksəlib. Ən böyük artım bank depozitləri üzrə faiz gəlirlərində (37,3%) və banklara kreditlər üzrə gəlirlərdə (42,3%) qeydə alınıb.
Lakin faiz xərcləri 66,6% artıb 141,497 min manata çatıb. Əsas artıb depozitlər üzrə faizlərdə (67,9%) müşahidə olunub ki, bu da faiz marjasının daralmasına səbəb olub. Nəticədə xalis faiz gəliri 6,2% azalıb.
30 sentyabr tarixinə PAŞA Bank-ın qeyri-faiz gəlirləri 3% artıb 200,576 min manata çatıb, əsasən komissiya gəlirlərinin 9% artıb olması hesabına. Bununla yanaşı, digər gəlirlər 12,9% azalıb.
Qeyri-faiz xərcləri 1% azalsa da, struktur baxımından ciddi dəyişikliklər var: inzibati və amortizasiya xərcləri əhəmiyyətli dərəcədə azalıb, lakin digər xərclər 131% artıb 161,753 min manata yüksəlib.Nəticədə əməliyyat mənfəəti 4,1% azalıb (185,328 min manat), xalis mənfəət isə 9,5% azalaraq 132,837 min manat təşkil edib.
2025-cü ilin ilk 9 ayının sonuna 30 sentyabr tarixinə PAŞA Bank-ın əməliyyat fəaliyyətindən əldə olunan pul vəsaitləri 8,682 min manat azalıb. İnvestisiya və maliyyələşdirmə fəaliyyətlərindən isə çıxış baş verməyib (öncəki ildə mənfi göstəricilər aradan qalxıb).
Bununla belə, dövr ərzində nağd vəsaitlərdə xalis dəyişiklik –713,530 min manat olub. Dövrün sonunda bankın pul qalığı 911,616 min manat azalıb və 821,802 min manat səviyyəsində qərarlaşıb.
Müəllif: Aynur Qəniyeva