Azərbaycan Beynəlxalq Bankı (ABB) qlobal maliyyə nəhəngi Citi ilə ilk dəfə 7 gün 24 saat ABŞ dolları ilə beynəlxalq köçürmələr xidməti ilə bağlı əməkdaşlığa başlayıb.
Citi – dünyanın 160 ölkəsində fəaliyyət göstərən, 200 illik tarixə malik qlobal bank qrupudur. Qlobal ödəniş sistemlərindəki geniş təcrübəsi ilə tanınan Citi, ölkəmizin aktivlərinin həcminə görə ən böyük bankı ABB ilə bu innovativ xidmətin həyata keçirilməsi ilə bağlı əməkdaşlıq edəcək.
ABB-nin Baş direktoru Fuad İslamov bu önəmli əməkdaşlıq barədə qeyd edib: “Dünya standartlarına uyğun xidmətlər təqdim etmək məqsədi ilə Citi kimi nüfuzlu beynəlxalq təcrübəyə malik bankla əməkdaşlıq etməkdən qürur duyuruq. Bu əməkdaşlıq sayəsində müştərilərimizə 7 gün 24 saat ABŞ dolları ilə beynəlxalq köçürmələr imkanı təqdim edirik.”
Citi Bankın ABB ilə əməkdaşlıqla bağlı bildirib: “Azərbaycan bazarında ABB kimi aparıcı bankla əməkdaşlıq etməkdən məmnunuq. Bu layihə regional iqtisadiyyatın inkişafına və beynəlxalq ticarətin asanlaşdırılmasına əhəmiyyətli töhfə verəcək.”
Qeyd edək ki,bu xidmət xüsusilə beynəlxalq ticarətlə məşğul olan şirkətlər, idxal-ixracçılar və xarici investisiya ilə əlaqədar fəaliyyət göstərən müəssisələr üçün əhəmiyyətli imkanlar yaradır.