Çərşənbə axşamı (Noyabrın 4-də) bazarlarda tam bir “qırğın” yaşandı. Süni intellekt (Sİ) sektorundakı həddindən artıq qiymətləndirmələrin yaratdığı panika və makroiqtisadi narahatlıqların “kokteyli” bütün bazarı silkələdi. Nəticədə, ABŞ fond bazarında 730 milyard dollar dəyərində səhm “buxarlandı”.
GDP xəbər verir ki, bu təlatüm şəraitində kriptovalyuta bazarı da zərərdən yaxasını qurtara bilmədi. Rəqəmsal aktivlərin ümumi dəyəri bir gecədə 289 milyard dollar azaldı. Hətta adətən qorunma aktivləri kimi görülən qızıl və digər qiymətli metallar belə bu ümumi mənfi atmosferdən təsirlənərək qiymət itkisi ilə üzləşdi.
Bitcoin, səhmlər və metallar hamısı birgə ucuzlaşıb
Bitcoin noyabrın 4-də Bitstamp birjasında bir koin üçün 98,995 ABŞ dolları səviyyəsinə enərək altı rəqəmli dəyər həddindən aşağı düşdü. Xəbərin yazıldığı an BTC son 24 saat ərzində 6%-dən çox ucuzlaşmış və oktyabr ayında qeydə aldığı 126.000 dollarlıq rekord səviyyəsindən 20% aşağıdadır.
Noyabrın 3-ü ilə 4-ü Bakı vaxtı ilə saat 1:00 arasında (ET 5 p.m.) təxminən 289,04 milyard dollar kripto bazarından tamamilə silindi və Bitcoin-in bazar kapitallaşması 2 trilyon dollardan aşağı endi.
Wall Street-də də vəziyyət daha yaxşı deyildi. Texnologiya səhmlərinin ən çox zərər gördüyü bu mübarizədə Nasdaq 486 bənd enərək 23,348.64-ə çatıb. NYSE 133.88 bənd itirərək 21,282.71-də, Dow Jones isə 251.44 bənd büdrəyərək 47,085.24-də qapandı. S&P 500 də qırğından yayına bilməyərək 80.42 bənd düşərək 6,771.55-ə endi. Bu, bir “qanlı-qırmızı” ticarət günü idi – bir sərt sessiyada ABŞ səhmlərindən 730 milyard dollardan çox vəsait silinib.
Təhlükəsiz limanlar da dözmədi
Səhmlər və kripto bazarı çökəndə qiymətli metalların dəyər qazanacağını düşünmək olardı, lakin onlar da bu “təəssüf partiyasına” qoşuldular. Bir unsiya qızıl indi 3,933 ABŞ dolları təşkil edir, bu da dünəndən bəri 1.66% azalma deməkdir. Gümüş də yaxasını qurtara bilməyərək 1.98% ucuzlaşaraq bir unsiya üçün 47.05 ABŞ dollaeına enib. Platin, palladium və digər metallar da qırmızı zonada qərarlaşdı, bu da göstərir ki, təhlükəsiz limanlar da bir gün “istirahət” edib.
Zərəri artırıcı bir məqam da kripto sektoru ilə əlaqəli səhmlərin də ağır zərbə alması oldu:
- Bitcoin mədənçiləri (miners) arasında Hut 8 ən böyük enişə başçılıq edərək 12.52% (48.11 dollara) ucuzlaşdı. Riot Platforms, Terawulf və Cleanspark hamısı 6.88% çökdü. Marathon Digital və Bitdeer də müvafiq olaraq 6.68% və 6.60% itirib.
- Coinbase səhmləri 6.99%, Strategy-nin MSTR səhmi 6.68% sürüşdü, Circle Internet Group-un səhmi isə 5.61% ucuzlaşıb.
- Blackrock-un IBIT kimi spot Bitcoin Birja Ticarət Fondları (ETF) belə, bağlanış zəngindən əvvəl 5%-dən çox enərək itkidən xilas ola bilməyib.
Nəticədə, bazarın bütün sektorlarında baş verən bu birdəfəlik satışlar investorları təhlükəsiz liman axtarışına yönəldib və bir daha göstərdi ki, dəyişkənlik hər kəsi sınaqdan keçirə bilər.
