“PASHA Holding” MMC və “PAŞA Bank” ASC-nin Türkiyədəki törəməsi “PASHA Yatırım Bankası A.Ş.”nin baş icraçı direktoruna müavin təyin edilib.
GDP xəbər verir ki, Fərid Əliyev “PASHA Bank Türkiye”nin baş icraçı direktorunun müavini və baş maliyyə inzibatçısı təyin edilib.
Onun bankçılıq və maliyyə sahəsində biznes təcrübəsi 17 ildir.
F.Əliyev 2019-cu ilin yanvarından holdinqin digər törəmə bankı “Kapital Bank” ASC-də çalışırdı. 2020-ci ilin martından bankın Xəzinədarlıq departamentinin direktoru kimi çalışıb.
Yenilənmiş məlumata əsasən F.Əliyev 2025-ci ilin noyabrından Türkiyədəki vəzifəsinin icrasına başlayıb.
Daha öncələr isə “Ziraat Bank Azərbaycan” ASC və “PAŞA Bank” ASC-də müxtəlif vəzifələrdə çalışıb.
O, Qafqaz Universitetində Biznesin İdarə Olunması üzrə bakalavr təhsili alıb (2001–2006), ixtisası Bankçılıq və Maliyyə Xidmətləri olub. Daha sonra SMC Universitetində (İsveçrə) Maliyyə və Maliyyə İdarəçiliyi üzrə magistr təhsilini(MBA) tamamlayıb (2012).