2025-ci ilin ilk yeddi ayında sığorta şirkətləri tərəfindən toplanan ümumi sığorta haqlarının məbləği 937,658 min manat təşkil edib ki, bu da 2024-cü ilin eyni dövründəki 833,199 min manatlıq göstərici ilə müqayisədə 104,459 min manat və ya 12.54% artım deməkdir.
Paşa Hayat Sığorta şirkəti 2025-ci ildə 433.890 min manat sığorta haqları ilə birinci sırada yer alıb və bir il ərzində topladığı sığorta haqlarının məbləği 56.120 min manat və ya 14.85% artıb. Şirkətin bazar payı da 46.28%-ə çatıb, bu da 2024-cü ilə nisbətən 0.92% artım deməkdir. Onu izləyən Paşa Sığorta şirkəti 2025-ci ildə 223.286 min manat sığorta haqları toplayıb və bir il ərzində 18.073 min manat və 8.81% artım əldə edib. Lakin şirkətin bazar payı 2024-cü ildən bir az azalaraq 23.81%-ə enib.
Atəşgah Hayat Sığorta şirkəti 2025-ci ildə 65.448 min manat sığorta haqları ilə üçüncü sırada yer alıb, 2024-cü illə müqayisədə şirkətin topladığı sığorta haqlarının məbləği 14.356 min manat və ya 28.10% artıb. Şirkətin bazar payı isə 2024-cü ildəki 6.13%-dən 6.98%-ə yüksəlib.
Qala Sığorta şirkətinin 2025-ci il üzrə premiumu 53.747 min manat olub və bir illik dəyişiklik 1.712 min manat və ya 3.29% artıb. Bu şirkətin bazar payı 2025-ci ildə 5.73%-ə, 2024-cü ildə isə 6.25%-ə bərabər olub.
Atəşgah Sığorta şirkəti 2025-ci ildə 37.084 min manat sığorta haqları ilə 3.873 min manat və ya 11.66% artıb və bazar payı 2024-cü ildəki 3.99%-dən 3.95%-ə düşüb. Azərbaycan Sənaye Sığorta şirkəti isə 2025-ci ildə 18.913 min manat sığorta haqları ilə 3.494 min manat və ya 22.66% artım əldə edib. Bazar payı da 1.85%-dən 2.02%-ə yüksəlib.
Digər tərəfdən, Meqa Sığorta şirkəti 2025-ci ildə 18.854 min manat sığorta haqları ilə bir az azalma 2.930 min manat və ya -13.45% olub və bazar payı da 2024-cü ildən 2.62%-dən 2.01%-ə enib. Xalq Sığorta şirkəti isə 2025-ci ildə 16.305 min manatla 3.726 min manat və ya 29.62%) artıb, bazar payını 1.51%-dən 1.74%-ə yüksəldib.
Qala Hayat şirkətinin 2025-ci ildəki topladığı sığorta haqlarının məbləği 16.289 min manat olub ki, bu da ötən ilə nisbətən 2.326 min manat və ya 16.66% artımın göstəricsidir. Şirkətin bazar payı da 2024-cü ildən 1.68%-dən 1.74%-ə yüksəlib.
Aqrar Sığorta şirkəti 2025-ci ildə 13.491 min manat sığorta haqları toplayıb, 2.186 min manat və ya 19.33% artıb. Bazar payı 2024-cü ildəki 1.36%-dən 1.44%-ə yüksəlib.
A-Qroup Sığorta şirkəti 2025-ci ildə 10.029 min manat sığorta haqları ilə 0.451 min manat və ya 4.71% artım əldə edib, bazar payı isə 2024-cü ildəki 1.15%-dən 1.07%-ə enib. Meqa Hayat Sığorta şirkəti isə 2025-ci ildə yeni fəaliyyətə başlayaraq 9.400 min manat sığorta haqları toplamaqla bazar payını 1.00% olaraq müəyyən edib.
Xalq Həyat şirkəti 2025-ci ildə 6.196 min manat sığorta haqları toplayaraq 0.443 min manat və ya 7.70% artım əldə edib və bazar payı 0.69%-dən 0.66%-ə azalıb. AtaSığorta şirkəti isə 5.698 min manatla 0.495 min manat və ya 7.99% azalma yaşayıb və bazar payı 0.74%-dən 0.61%-ə düşüb.
AzSığorta şirkətinin topladığı sığorta haqqının məbləği 2025-ci ilin yanvar-iyul ayları ərzində 5.229 min manat təşkil edib ki, bu da 0.568 min manat və ya -9.80% azalıb və bazar payı 0.70%-dən 0.56%-ə enib. İpək Yolu Sığorta şirkəti də 2025-ci ildə 1.076 min manat və ya -22.07% azalma yaşayaraq bazar payını 0.59%-dən 0.41%-ə düşürüb.
Nəhayət, Bakı Sığorta şirkəti 2025-ci ildə fəaliyyətini dayandırmış və 2024-cü ildə topladığı 1.435 min manatla bazar payını 0.17%-dən 0.00%-ə endirib.
Ümumilikdə, 2025-ci ildə sığorta şirkətləri tərəfindən toplanan premiumların ümumi məbləği 937.658 min manat olub və bir il ərzində 105.459 min manat və ya 12.67% yüksəlib.
Müəllif: Aynur Qəniyeva