2025-ci ilin iyul ayında müddətli əmanətçilərin sayı 173 702 nəfərə çataraq 5 529 nəfər və ya 3,3 faizlik artmışdır.
GDP Azərbaycan Respublikasının Mərkəzi Bankına istinadla xəbər verir ki, ümumilikdə, 2024-cü ilin iyunundan 2025-ci ilin iyulunadək müddətli əmanətçilərin sayı 42 979 nəfər artaraq 130 723 nəfərdən 173 702 nəfərə yüksəlmişdir. Bu isə bir il ərzində təxminən 32,9 faiz artım deməkdir.
2025-ci ilin yanvar ayında 154 181 nəfərə, fevralda 156 196 nəfərə, martda isə 158 257 nəfərə yüksələn müddətli əmanətçilərin sayı üç ay ərzində ümumilikdə 7 738 nəfər və ya 5,1 faiz artmışdır.
Növbəti aylarda da müsbət dinamika qorunmuşdur. Apreldə 161 856 nəfərə, mayda 165 061 nəfərə, iyunda 168 173 nəfərə və nəhayət, iyul ayında 173 702 nəfərə çataraq əmanətçi bazası ardıcıl genişlənməsini davam etdirmişdir.
Xüsusilə 2025-ci ilin iyul ayında 5 529 nəfərlik və ya 3,3 faizlik artım qeydə alınmışdır ki, bu da aylar üzrə ən yüksək göstərici olmuşdur.
Göstəricilərdəki ardıcıl yüksəliş bank sektorunda müddətli əmanətlərə etimadın gücləndiyini, əmanətçi bazasının isə keyfiyyətcə və kəmiyyətcə davamlı şəkildə böyüdüyünü göstərir.
