ABB-nin İdarə heyətinin sədri Abbas İbrahimov Naxçıvan Muxtar Respublikasına işgüzar səfər çərçivəsində filiala baş çəkib. Səfər zamanı bölgənin sosial-iqtisadi inkişafında bankın rolu müzakirə olunub, tərəfdaşlarla görüşlər keçirilib və maliyyələşdirilən layihələrin gedişatına yerində nəzarət edilib.
ABB sədri bildirib ki, səfər çərçivəsində regionun inkişafına töhfə verə biləcək yeni təşəbbüslər də dəyərləndirilib. İbrahimov qeyd edib ki, bank Naxçıvana bu günə qədər təxminən 100 milyon manat dəyərində kredit qoyuluşu edib və bunun 65 faizdən çoxu biznes kreditlərindən ibarətdir.
“Bu da regionda sahibkarlığın, istehsalın və məşğulluğun inkişafına birbaşa dəstək deməkdir. Səfərimiz faydalı və məhsuldar oldu. Naxçıvanın iqtisadi potensialını daha da gücləndirmək üçün yerli bizneslərlə işbirliyini davam etdirəcəyik”, – deyə Abbas İbrahimov vurğulayıb.
Səfərin faydalı və məhsuldar olduğu qeyd olunur və ABB-nin Naxçıvanın iqtisadi inkişafına dəstəyini gücləndirməyə davam edəcəyi bildirilir.