ABB-nin İdarə heyətinin sədri Abbas İbrahimov VİSA-nın Mərkəzi və Şərqi Avropa, Yaxın Şərq və Afrika üzrə Regional Prezidenti Tareq Mahmudun rəhbərliyi altında olan nümayəndə heyətinin Azərbaycana səfəri zamanı onları qəbul etdiyini bildirib.
GDP xəbər verir ki, görüşdə VİSA-nın region üzrə vitse-prezidenti Cristina Doros və vitse-prezident Reem Asaad da iştirak ediblər. Görüş zamanı tərəflər arasında uzunmüddətli tərəfdaşlıq, ödəniş sistemlərinin gələcək inkişaf istiqamətləri, süni intellekt texnologiyaları əsasında innovasiyalar, regional genişlənmə imkanları, eləcə də potensial yeni birgə layihələr müzakirə olunub.
ABB rəhbərliyi görüşün məhsuldar olduğunu vurğulayaraq, VİSA ilə əməkdaşlığın daha da gücləndirilməsi və müzakirə edilən ideyaların həyata keçirilməsi ümidini ifadə edib.
