ABB Bankın İdarə Heyətinin Sədri Abbas İbrahimov dünyanın ən böyük elastik qablaşdırma şirkətlərindən olan Uflex şirkətinin rəhbərliyi ilə görüş keçirib.
Bankın Korporativ Satış üzrə direktoru, direktor müavini Taleh Abbasov xarici investisiyaların ölkə iqtisadiyyatının inkişafındakı rolunu vurğulayaraq bildirib ki, bu cür maliyyə yatırımları iqtisadi artım, yeni iş yerlərinin yaradılması, müasir texnologiyaların tətbiqi və ixrac potensialının artırılması baxımından həlledici əhəmiyyət kəsb edir.
Görüş çərçivəsində Uflex şirkətinin ölkəmizdə səfərdə olan rəhbərlərinə ABB Bankının fəaliyyət istiqamətləri, Azərbaycan iqtisadiyyatındakı mövqeyi və həyata keçirdiyi layihələr barədə ətraflı məlumat təqdim edilib.
Qeyd edək ki, Hindistan əsilli Uflex şirkəti qablaşdırma sahəsində dünya lideri hesab olunur və beynəlxalq bazarlarda geniş fəaliyyət göstərir. Bu görüş potensial əməkdaşlıq imkanlarının müzakirəsi və qarşılıqlı maraqların müəyyən edilməsi baxımından mühüm addım sayılır.
