ABŞ, hər biri 5 milyon dollar dəyərində olan minlərlə “qızıl viza”nı bir gündə sataraq ölkəyə 5 milyard dollar qazandırdı.
GDP xəbər verir ki, ticarət naziri Howard Latnik, jurnalistlərə verdiyi açıqlamada, yalnız bu satışın ABŞ iqtisadiyyatına böyük töhfə verdiyini bildirdi.
Latnik, investorlar üçün verilən yaşayış hüququna əsaslanan bu proqramın ölkədə böyük tələbatla qarşılandığını və investorların bu proqramı çox qiymətləndirdiyini vurğulayıb. “Qızıl viza” proqramı, xarici investorlar üçün ABŞ-da yaşamağa və işləməyə imkan tanıyır və bu, xüsusilə yüksək gəlirli şəxslər tərəfindən maraqla qarşılanır.
Bu proqramın sürətlə populyarlaşması, ABŞ-ın iqtisadiyyatına əlavə maliyyə vəd edir və yeni iş yerləri açılmasına səbəb ola bilər. Bu tələbin gələcəkdə də artması gözlənilir, çünki investorlar daha çox təhlükəsizlik və inkişaf imkanları axtarırlar.