ABŞ-dan olan investorların maliyyə dəstəyi ilə “Şimal axını 2” qaz kəmərinin yenidən işə salınması layihəsinin hazırlanması müzakirə edilir.
GDP xəbər verir ki, bu barədə qaz kəmərinin keçmiş operatoru Mattias Varniq açıqlama verib. Onun sözlərinə görə, əgər layihə gerçəkləşərsə, ABŞ Rusiyadan ucuz qaz alaraq Avropaya baha qiymətə satmaq imkanına sahib olacaq. Bu isə ABŞ-a həm Rusiya, həm də Avropa qaz bazarında ciddi təsir rıçaqları qazandıracaq.
Xatırladaq ki, “Şimal axını 2” qaz kəməri Rusiya qazını Baltik dənizi vasitəsilə Almaniyaya çatdırmaq üçün nəzərdə tutulmuşdu. Lakin Ukrayna müharibəsi və Qərbin sanksiyaları səbəbindən layihə dayandırılmışdı. İndi isə onun yenidən gündəmə gəlməsi Avropa enerji bazarında yeni siyasi və iqtisadi dəyişikliklərə səbəb ola bilər.