Asiya İnkişaf Bankının (AİB) rəhbəri Masato Kanda bu gün Bakının İçərişəhər Metrostansını ziyarət edib və Bakı Metropoliteninin rəhbərliyi ilə paytaxtın nəqliyyat infrastrukturunun genişləndirilməsinin növbəti mərhələsinə hazırlıq məsələlərini müzakirə edib.
GDP xəbər verir ki, AİB-nin Ölkə Tərəfdaşlığı Strategiyası çərçivəsində bank Azərbaycan Hökumətinin metro xidmətlərini modernləşdirmə, rəqəmsal əməliyyatları, sistem səmərəliliyini və şəbəkə tutumunu yaxşılaşdırma planlarını dəstəkləyir.
Masato Kanda vurğulayıb ki, bu səylər şəhərdə hərəkətliliyi artıracaq, Bakı üzrə bağlantıları gücləndirəcək və insanlar və bizneslər üçün imkanları genişləndirəcək.
AİB rəhbəri bildirirb ki, bank səmərəli, inklyuziv və gələcəyə hazır şəhər nəqliyyatını qurmaq üçün tərəfdaşları ilə yanaşı işləməyə davam edəcək.
Qeyd edək ki, AİB Azərbaycanın milli prioritetlərini dəstəkləmək üçün 2029-cu ilə qədər 2,5 milyard dollara qədər investisiya qoymağa hazırdır. Yeni strategiya bərpa olunan enerji, dəmir yolu və metro sistemlərinin modernləşdirilməsi, eləcə də rəqabətqabiliyyətli sənayelərin gücləndirilməsinə prioritet hesab edir.
