Petrobras-ın Baş Direktoru Maqda Şambriar bildirib ki, Asiyada güclü neft tələbatı şirkətin davam edən ticarət müharibəsinin təsirlərini yumşaltmağına kömək edib. Bloomberg-ə verdiyi müsahibədə o, qeyd edib ki, Çin ikinci rübdə ixracatın 52%-i ilə ən böyük alıcı olaraq qalır.
Keçən ay Donald Trumpın administrasiyası tərəfindən tətbiq edilən 50% gömrük rüsumlarından sonra Braziliya neftinin axını Asiya istiqamətində dəyişib. Avropa 19% payla ikinci yerdə qərarlaşıb, digər Asiya ölkələri 12%, ABŞ 8%, Latın Amerikası isə 6% təşkil edib.