Avropa İttifaqı, ABŞ-ın məşhur maliyyə xidmətləri Visa və Mastercard-dan imtina etməyi nəzərdən keçirir. Avropa Mərkəzi Bankının (AMB) prezidenti Kristin Lagard bildirib ki, Avropanın maliyyə infrastrukturunun öz nəzarətində olması vacibdir və bu məqsədlə Visa, Mastercard, PayPal və Alipay kimi beynəlxalq ödəniş sistemlərindən uzaqlaşmağı təklif edir.
Lagard, Avropa İttifaqının daha müstəqil bir maliyyə sistemi yaratmaq məqsədilə öz regional ödəniş platformalarını inkişaf etdirməli olduğunu vurğulayıb. Onun sözlərinə görə, hazırda Avropa ölkələri dünya maliyyə bazarlarında ABŞ şirkətlərinin böyük təsiri altındadır və bu, Aİ-nin suverenliyini təhdid edə bilər.
Avropa İttifaqının bu addımı, son illərdə ABŞ ilə münaqişələrin artdığı bir dövrə təsadüf edir. Aİ, xüsusilə rusiyaya qarşı tətbiq edilən sanksiyalardan sonra, daha çox iqtisadi müstəqillik əldə etməyi hədəfləyir.
Bu təşəbbüs, həmçinin Avropada rəqəmsal ödəniş sistemləri və yeni texnologiyaların inkişafına təkan verə bilər. Mütəxəssislər, Avropanın öz ödəniş sistemini qurmasının daha təhlükəsiz və səmərəli olacağını, həmçinin istifadəçilər üçün əlavə seçimlər yaradacağını bildirirlər.