“Business Insight International Research Group” tərəfindən aparılan “Mobil Tətbiq Dünyası” adlı yeni araşdırma göstərib ki, ölkə əhalisinin 83%-i bankların mobil tətbiqlərindən aktiv şəkildə istifadə edir.
GDP xəbər verir ki, araşdırmanın nəticələrinə əsasən, bu göstərici paytaxtda 86%, regionlarda isə 80% təşkil edir. İstifadəçilər arasında kişilərin payı 50,3%, qadınların payı isə 49,7% olub, bu da cinslər arasında istifadənin demək olar ki, bərabər səviyyədə olduğunu göstərir.
Yaş göstəriciləri də maraqlı fərqləri ortaya qoyub. Belə ki, 35 yaşadək respondentlərin 85%-i, 36 yaş və yuxarı şəxslərin isə 80%-i bank mobil tətbiqlərindən yararlanır.
Ümumilikdə, bank tətbiqlərindən istifadə edənlərin payı mobil operatorların tətbiqlərindən istifadə edənlərlə müqayisədə 10% çoxdur — müvafiq olaraq 83%-ə qarşı 73%. təşkil edir.
