Azərbaycan Mərkəzi Bankı 2024-cü ilin iyun ayından 2025-ci ilin may ayınadək olan dövr üzrə avto-icbari sığorta bazarında fəaliyyət göstərən şirkətlərə dair şikayət indeksini açıqlayıb.
GDP xəbər verir ki,açıqlanan hesabatda vətəndaşlardan daxil olan şikayətlərə əsasən, şirkətlərin müştəri məmnuniyyəti üzrə vəziyyəti qiymətləndirilib.
Hesabat nəticələrinə görə, “Atəşgah Sığorta” ASC 1.25 indekslə ən yüksək şikayət payına malik olub. Onu 1.21 göstərici ilə “Paşa Sığorta” ASC və 1.02 indekslə “AtaSığorta” ASC izləyir.
Digər tərəfdən, şikayət indeksi 1.00-dan aşağı olan şirkətlər daha yüksək müştəri məmnuniyyəti nümayiş etdirib. “Azərbaycan Sənaye Sığorta” ASC 0.44, “Qala Sığorta” ASC 0.49, “Meqa Sığorta” ASC 0.77 və “Xalq Sığorta” ASC 0.89 indekslərlə daha az şikayət alan şirkətlər sırasına daxil olublar.
Qeyd edək ki,şikayət indeksi 1.00-dan yuxarı olan şirkətlər müştəri xidmətlərinin digər şirkətlərlə müqayisədə daha aşağı səviyyədə olduğunu göstərir.
