2025-ci ilin yanvar-may ayları üzrə Azərbaycanda fəaliyyət göstərən sığorta şirkətlərinin topladığı sığorta haqları üzrə bazar renkinqinə nəzər saldıqda, “Paşa Həyat Sığorta” ASC 345.094 milyon manatlıq sığorta haqqı ilə lider mövqedə qərarlaşır.
GDP xəbər verir ki, Azərbaycan Mərkəzi Bankının təqdim etdiyi Sığorta sektorunun statistikasına əsasən aparılan hesabala nəticəsində məluma olur ki, bu şirkət ümumi bazarın təxminən 48%-ni təşkil edərək digər rəqiblərindən əhəmiyyətli dərəcədə irəlidədir.
İkinci yerdə “Paşa Sığorta” ASC qərarlaşır və 162.853 milyon manatlıq topladığı sığorta haqqı ilə bazarın 22.64%-ni əhatə edir.
Üçüncü yerdə 49.604 milyon manat sığorta haqqı ilə “Atəşgah Həyat” durur və bu şirkətin bazar payı təxminən 6.9% təşkil edir. Daha sonra isə 46.664 milyon manatla “Qala Sığorta” bazarda 6.49% pay a malikdir. Sonrakı mövqedə 25.764 milyon manatla “Atəşgah” isə 3.58% bazar payı ilə qərarlaşıb.
Daha sonra sıralamada “Azərbaycan Sənaye Sığorta” (13.815 mln AZN, 1.92%), “Meqa Sığorta” (12.943 mln manat, 1.80%), “Qala Həyat” (12.036 mln manat, 1.67%), “Xalq Sığorta” (11.446 mln manat, 1.59%) və “Aqrar Sığorta”(11.019 mln manat, 1.53%) gəlir.
Qalan şirkətlərin bazardakı payı isə 1 faizdən aşağıdır. Buraya “Meqa Həyat Sığorta” (6.694 mln manat, 0.93%), “A-Qroup” (7.909 mln manat, 1.10%), “Xalq Həyat” (4.199 mln manat, 0.58%), “AtaSığorta” (4.092 mln manat, 0.57%), “AzSığorta” (4.007 mln manat, 0.56%) və “İpək Yolu Sığorta” (1.213 mln manat, 0.17%) daxildir.
Ümumilikdə, 2025-ci ilin ilk beş ayında sığorta şirkətləri tərəfindən toplanan sığorta haqlarının cəmi 719.353 milyon manat təşkil etmişdir.
