2025-ci ilin yanvar-aprel dövründə Azərbaycanda sığorta haqları üzrə ümumi məbləğ 588.466 min manat təşkil etmişdir.
GDP xəbər verir ki, bazarın lideri “Paşa Həyat Sığorta” ASC olub, şirkət ümumi sığorta haqlarının təqribən 47.9%-ni, yəni 281.911 min manatını əldə etmişdir. İkinci ən böyük paya sahib şirkət “Paşa Sığorta”dır və onun sığorta haqları 135.457 min manat, bazar payı isə 23.0% səviyyəsindədir. Üçüncü yerdə isə “Qala Sığorta” şirkəti qərarlaşıb və onun payı 41.071 min manat, yəni 7.0%-dir.
Dördüncü ən böyük sığorta haqları toplayan şirkət “Atəşgah Həyat”dır, bu şirkətin payı 6.5% və ya 38.288 min manat təşkil edir. “Atəşgah” Sığorta Şirkəti 20.262 min manatla (3.4%), “Azərbaycan Sənaye Sığorta” 11.024 min manatla (1.9%), “Meqa Sığorta” 10.158 min manatla (1.7%), “Qala Həyat” 9.517 min manatla (1.6%) bazarda digər önəmli oyunçular sırasındadır.
Digər şirkətlərdən “Xalq Sığorta” 9.742 min manat (1.7%), “Aqrar Sığorta” 9.405 min manat (1.6%), “A-Group Sığorta” 5.534 min manat (0.9%), “Meqa Həyat Sığorta” 5.035 min manat (0.9%), “AtaSığorta” 3.313 min manat (0.6%), “AzSığorta” 3.400 min manat (0.6%), “Xalq Həyat” 3.283 min manat (0.6%), və “İpək Yolu Sığorta” isə 1.065 min manat (0.2%) paya malikdirlər.
