2024-cü ildə “Azərişıq” ASC-nin ümumi gəliri 1.710.402 min manat təşkil etmiş və 2023-cü ilin 1.619.371 min manatla müqayisədə 91.031 min manat və ya 5,6% artıb.
GDP “Azərişıq” ASC-nin 204-cü ilə dair maliyyə hesabatına istinadla xəbər verir ki,satışın maya dəyəri 2024-cü ildə 1.471.140 min manat olub və 2023-cü ilin 1.379.874 min manatı ilə müqayisədə 91.266 min manat və ya 6,6% artmışdır. Maya dəyərinin artım tempi gəlir artımından bir qədər yüksək olması şirkətin mənfəətliliyinə mənfi təsir göstərib.
Ümumi mənfəət 2024-cü ildə 239.262 min manat təşkil etmiş və 2023-cü ilin 239.497 min manatı ilə müqayisədə 235 min manat və ya 0,1% azalmışdır. Bu cüzi azalma, satış həcminin artmasına baxmayaraq, maya dəyərinin daha sürətli artması nəticəsində yaranmışdır.
Əməliyyat xərcləri və mənfəət:
2024-cü ildə “Azərişıq” ASC-nin əməliyyat xərcləri 2024-cü ildə əhəmiyyətli artıb. Paylama xərcləri 60.134 min manatdan 2023-cü ildə 58.586 min manata qədər 1.548 min manat və ya 2,6% çoxalıb. İnzibati xərclər isə 111.496 min manatdan 107.159 min manata qədər 4.337 min manat və ya 4,0% artıb. Bu artımlar əsasən şirkət daxilində əməkhaqqı artımları və əməliyyat həcminin çoxalması ilə əlaqədardır.
2024-cü il ərzində “Azərişıq” ASC-nin mənfəəti 2024-cü ildə 15.553 min manat təşkil edib və 2023-cü ilin 14.728 min manatı ilə müqayisədə 825 min manat və ya 5,6% artıb.
Balans və maliyyə vəziyyəti:
Ümumi aktivlər 2024-cü ildə 3.620.686 min manat təşkil edib və 2023-cü ilin 3.237.913 min manatı ilə müqayisədə 382.773 min manat və ya 11,8% artıb. Bu əhəmiyyətli artım şirkətin böyüməsi və investisiya fəaliyyətini əks etdirir.
Cari aktivlər 349.278 min manatdan 375.355 min manata qədər 26.077 min manat və ya 7,5% artmışdır. Bu artım əsasən ticarət debitor borclari və digər aktivlərin artması ilə əlaqədardır.
Kapital strukturu:
“Azərişıq” ASC-nin ötən ildə nizamnamə kapitalı sabit-1.678.705 min manat səviyyəsində qalıb. Əlavə ödənilmiş kapital 1.383.458 min manatdan 1.089.784 min manata qədər çataraq, 293.674 min manat və ya 27,0% artıb.
Cəmi kapital 2.779.107 min manatdan 2.469.880 min manata qədər 309.227 min manat və ya 12,5% artmışdır.
Öhdəliklər:
2024-cü ildə “Azərişıq” ASC-nin uzunmüddətli öhdəlikləri 177.616 min manatdan 440.824 min manata qədər 263.208 min manat və ya 148,2% kəskin artıb.
Qısamüddətli öhdəliklər 663.963 min manatdan 327.209 min manata qədər 336.754 min manat və ya 50,7% azalmışdır.
Nəğd axınları:
2024-cü ildə “Azərişıq” ASC-yə əməliyyat fəaliyyətindən daxil olan xalis pul vəsaitləri 202.861 min manatdan 150.990 min manata qədər 51.871 min manat və ya 25,6% azalıb. Bu azalma dövriyyə kapitalının artması və vergi ödənişlərinin artması ilə əlaqədardır.
İnvestisiya fəaliyyətindən istifadə olunan xalis pul vəsaitləri 853.621 min manatdan 337.786 min manata qədər 515.835 min manat və ya 60,4% azalmışdır. Bu azalma böyük investisiya layihələrinin başa çatdırılması və yeni investisiyaların azalması ilə əlaqədar ola bilər.
Nəticədə “Azərişıq” ASC -nin 2024-cü ildə uzunmüddətli borclarının artması infrastruktur yenilənməsi və genişlənmə layihələri ilə əlaqədardır. Maya dəyərinin artım tempinin gəlir artımından yüksək olması mənfəətlilik göstəricilərində qeyr-müəyyənlik yaradır və bu istiqamətdə səmərəlilik tədbirlərinin həyata keçirilməsini tələb edir.
Müəllif: Aynur Qəniyeva