Ölkəmizdə özəl sektorun ən böyük təmsilçilərindən biri olan “Azərsun Holdinq” MMC 2023-cü il üzrə maliyyə hesabatını açıqlayıb.
GDP xəbər verir ki, “Azərsun Holdinq” MMC-nin 2023-cü ildə aktivləri 2022-ci ilə nisbətən 96 milyon 435 min 911 manat və ya 19.3% azalaraq 402milyon 226.720 min manat təşkil edib. Holdinqin cəmi aktivləri 0.09181001 manat yaxud 7.8% azalaraq 1 milyard 71 milyon 600.612 min manat olub.
“Azərsun Holdinq” MMC 2023 cü il ərzində 58 milyon 312,392 min manat xalis mənfəət əldə edib ki, bu da 2022-ci ilə nisbətən 43 milyon 115.565 min manat və ya 73.9% çoxdur. Şirkət 2023-cü ildə 29 milyon 171 min manat mənfəət vergisi ödəyib.”Azərsun Holdinq” MMC-nin vergidən əvvəlki mənfəəti 86 milyon 910 min manat təşkil edib.
“Azərsun Holdinq” MMC-nin 2023-cü il ərzində cəmi kapitalı 637 milyon 764,478 min manat təşkil edib ki, bu da 2022-ci il ilə müqaisədə 221 milyon 003,037 min manat və ya 34.6% artıqdır.
Şirkət 2023-cü il ərzində 518 milyon manata yaxın bölüşdürülməmiş mənfəəti olub.
Holdinqin əsas əməliyyat gəliri yəni satışdan əldə etdiyi gəlir 2023-cü ildə 1 milyard 810 milyon 863 min manat təşkil edib ki, bu da bir öncəki illə müqaisədə 14 milyon 501 min manat azalmanın göstəricisidir.