AZCON Holding-in baş icraçı direktoru və ACCA üzvü Şahin Babayev, Macarıstan Respublikasının Azərbaycan Respublikasındakı fövqəladə və səlahiyyətli səfiri Tamaş Torma ilə görüş keçirib.
Görüşdə, Macarıstan ilə Azərbaycan arasında nəqliyyat və kommunikasiya sahələrində qarşılıqlı əlaqələrin gücləndirilməsi mövzusu müzakirə olunub. Həmçinin, rəqəmsal transformasiya, süni intellekt, nəqliyyat və kosmos sahələrində əməkdaşlığın inkişaf etdirilməsi məsələləri də gündəmə gəlib.
Şahin Babayev görüşün nəticələrinin iki ölkə arasında texnoloji və iqtisadi əlaqələrin daha da möhkəmlənməsinə xidmət edəcəyinə əminliyini ifadə edib.
