“PAŞA Bank” İdarə Heyətinin sədri müavini Bəhruz Nağıyev “Bakı İqlim Fəaliyyəti Həftəsi”nin (BCAW2025) ikinci günündə çıxış edərək yaşıl maliyyənin inkişafı və bankın öhtələrini yerinə yetirmək üçün zəruri şərtlər barədə məlumat verib.
GDP xəbər verir ki, Nağıyevin qeyd etdiyinə görə, yaşıl layihələrdə uğur qazanmaq üçün maliyyə və güclü qanunvericilik çərçivəsi əsas amillərdəndir. O, vurğulayıb ki, yaşıl layihələrin uğurla həyata keçirilmısi üçün bank sektorunun bütün ehtiyaclarını əks etdirən müvafiq çərçivələrin formalaşdırılması vacibdir.
“Bəlkə COP29-a qədər vəziyyət fərqli idi, amma COP29-dan sonra gözləntilər artdı, imkanlar və fürsətlər yarandı. COP29-la bağlı biz beynəlxalq yaşıl maliyyə vəsaitlərinə çıxış əldə etdik,” – deyə Nağıyev bildirib.
Beynəlxalq tələblər barədə məlumat verən PAŞA Bank rəhbərliy bildirib ki,i tələblərə uyğunlaşmaq üçün çalışırlar. Xüsusilə, beynəlxalq vəsaitlərə çıxış üçün ESG məlumatlarının açıqlanması, rəqəmlərin təqdim edilməsi və portfelın şəffaf şəkildə bəyan edilməsi kimi standartlara riayət etmək lazımdır.
Nağıyev həmçinin Azərbaycan Mərkəzi Bankının 2023-2026-cı illər üçün dayanıqlı maliyyə alətləri ilə bağlı tələbləri olduğunu və 2030-cu ilə qədər portfelin bir hissəsinin yaşıl maliyyəyə həsr etmək məqsədlərini xatırladıb.
“Bankımız sistem əhəmiyyətli və ən böyük korporativ bank olaraq yaşıl layihələrlə bağlı gözləntiləri başa düşür və öz məsuliyyətinin fərqindədir. Biz vəsaitləri dövriyyəyə buraxan zaman nəinki bazar risklərini, həm də indi iqlim risklərini nəzərə alırıq,” – deyə o bildirib.