Bakı Fond Birjasında 2024-cü ilin yanvar noyabr ayları ərzində ticarət olunan Dövlət Qiymətli Kağızlarının ümumi həcmi 2023-cü ilin müvafiq dövründə qeydə alınmış 7 milyard 400 milyon 510 min 747 manatdan 3 milyard 841 milyon 296 min 631 manata qədər azalaraq bu seqmentdə 48.1% azalmasına gətirib çıxarıb.
GDP Bakı Fond Birjasının hesabatına istinadən xəbər verir ki,birjada ticarət iştirakçıları arasında Dövlət Qiymətli Kağızlarının ticarəti üzrə bağlanmış əqdlərin sayında da azalma müşahidə olunub – belə ki, əqdlər 2,624-dən 2,037-yə enərək 22.4% azalıb. Orta günlük həcm 33,638,685 manatdan 17,460,439 manata enərək 48.1% azalma qeydə alınıb.
İlkin bazar üzrə dövlət istiqrazlarında da əhəmiyyətli dəyişiklik baş verib – həcm 2,997,392,000 manatdan 2,949,712,377 manata enərək cüzi, 1.6% azalma nümayiş etdirib.
Hesabata görə, Mərkəzi Bankın qiymətli kağızlar portfelində daha kəskin azalma müşahidə edilib – 3,009,880,458 manatdan 1,666,669,528 manata düşərək 44.6% azalıb.
Təkrar bazarda dövlət istiqrazları üzrə həcm 698,689,083 manatdan 891,584,254 manata yüksələrək 27.6% artıb. Azərbaycan Respublikasının Mərkəzi Bankının qiymətli kağızları üzrə ticarət isə 694,549,205 manatdan 322,039,496 manata enərək 53.6% azalıb.