2024-cü ildə Bakı Fond Birjası xalis zərəri 999,580 manat olub, bu göstərici 2023-cü ildəki 367,887 manat xalis zərərdən 631,693 manat daha çoxdur.
GDP xəbər verir ki,bu, Bakı Fond Birjasının maliyyə zərərinin bir il ərzində 172.1%-lik bir artımı deməkdir. Xalis zərərin artmasının əsas səbəbləri əməkhaqları və işçi öhdəliklərinin artması, yatırımların gəlirliliyinin düşməsi və NBC Bank-la əlaqəli olan problemlərdir. 2024-cü ildə əməkhaqlarına və digər işçi öhdəliklərinə dair xərclərdə 36.1% artım olub ki, bu da işçi sayının artması və maaşların artırılmasından irəli gəlir. Həmçinin, NBC Bank-ın lisenziyasının ləğv edilməsi və həmin bankda qalan 307,740 manat vəsaitin geri qaytarılmaması birjanın maliyyə vəziyyətini mənfi təsir edib, bu da zərərin artmasına səbəb olub.
Haqq və komissiya gəlirləri 2024-cü ildə 2,561,518 manat olub, 2023-cü ildə bu rəqəm 2,197,659 manat təşkil edirdi. Bu da illik müqaisədə 363,859 manat və ya 16.57% artım deməkdir. Artımın əsas səbəbi REPO əməliyyatları üzrə gəlirdəki 600% artımdır. 2023-cü ildə REPO əməliyyatları üzrə gəlir 271,450 manat ikən, 2024-cü ildə 871,530 manat olub. Bu artımın səbəbi əməliyyat həcminin artması və bazar şərtlərinin yaxşılaşmasıdır. Həmçinin, listinq rüsumları da artmışdır, çünki 2024-cü ildə 51,500 manat listinq rüsumu əldə edilib, 2023-cü ildə isə bu rəqəm 35,500 manat idi. Bu artım, yeni qiymətli kağızların bazara daxil olması və ticarət əməliyyatlarının artması ilə əlaqədardır.
Digər xidmətlər üzrə gəlirlər 2024-cü ildə 87,710 manat təşkil edib, 2023-cü ildə isə 77,900 manat idi. Bu da 9,810 manat və ya 12.6% artım deməkdir. Artım, listinq rüsumlarının artmasından irəli gəlir. Bu rüsumlar ötən il 2023-cü ilə nisbətən əhəmiyyətli səviyyədə yüksəlib.
Bakı Fond Birjasının əməkhaqları və digər xərcləri 2024-cü ildə 2,327,181 manat təşkil edib, 2023-cü ildə isə bu sitiqamətdə olan xərclər 1,710,182 manat olub. Bu da illik müqaisədə 616,999 manat və ya 36.1% artım deməkdir. Artım, əsasən əməkhaqları və işçi sayının artmasından qaynaqlanır. Cəmiyyətin genişlənməsi, yeni layihələrin həyata keçirilməsi və əməliyyatların artması əməkhaqları və xərclər üzərində təzyiq yaratmışdır. Bununla yanaşı, bəzi rəhbər vəzifələrin maaş artımları da bu artımın səbəbləri arasında yer alır.
Digər cari aktivlər 2024-cü ildə 120,474 manat olub, 2023-cü ildə isə 130,287 manat təşkil edib. Bu da 9,813 manat və ya 7.5% azalma deməkdir. Azalma, əsasən debitor borclarının azaldılması ilə bağlıdır.
Digər cari öhdəliklər 2024-cü ildə 389,116 manat olub, 2023-cü ildə isə 132,786 manat təşkil edib. Bu da 256,330 manat və ya 193.1% artım deməkdir. Artım, əsasən işçilərlə bağlı öhdəliklərin artması ilə əlaqədardır. 2024-cü ildə işçilərə ödəniləcək məbləğlər 174,343 manat olaraq göstərilmişdir ki, 2023-cü ildə bu rəqəm 0 manat idi. Bakı Fond Birjasının əməliyyatları artdıqca və işçi heyəti artırıldıqca, bu cür öhdəliklərin artması gözlənilən idi.
Bakı Fond Birjasının İnvestisiya qiymətli kağızları 2024-cü ildə 612,863 manat və ya 12.4% artaraq 5,556,452 manat təşkil edib, 2023-cü ildə isə 4,943,589 manat olub. Artım, əsasən yeni yatırımların edilməsi və qiymətli kağızların bazar dəyərinin artması ilə bağlıdır. Bu, fond birjasının gələcəkdə daha çox gəlir əldə etmə potensialını artırır və investisiya portfelini gücləndirir.
Ümumilikdə, Bakı Fond Birjası 2024-cü ildə xüsusilə əməliyyat gəlirlərində, listinq rüsumlarında və investisiya fəaliyyətlərində müşahidə olunub. Həmçinin, REPO əməliyyatları və listinq rüsumları üzrə gəlirlərdəki artım fond birjasının bazarda daha fəal olmasından qaynaqlanır. Ancaq xalis zərərin artması, əsasən əməkhaqları, işçi öhdəlikləri və investisiya gəlirlərinin azalması ilə əlaqədardır. NBC Bank ilə bağlı mövcud vəziyyət, geri qaytarılmayan vəsaitlər və digər qeyri-müəyyənliklər də cəmiyyətin maliyyə vəziyyətinə təsir edib.