“Bank Melli İran”ın Bakı filialının 2025-ci il yanvar-sentyabr dövrünə aid maliyyə hesabatının təhlili göstərir ki, bank bu dövrdə 4.378.338,51 manat xalis mənfəət əldə edib.
GDP bankın maliyyə hesabatına istinadla xəbər verir ki, bu göstərici 2024-cü ilin eyni dövrü ilə müqayisədə 645.537,51 manat və ya 12,85% azdır.
Hesabat dövründə ,”Bank Melli İran”ın xalis faiz gəlirlərində 15,42% artım qeydə alınıb ki, bu da 4.296.906,99 manat məbləğində özünü göstərir və bankın əsas fəaliyyət istiqamətində uğurunu təsdiq edir. Eyni zamanda faiz xərclərinin sıfıra enməsi və komissiya gəlirlərindəki 152,73% artım bankın resurs bazasını və komissiya əməliyyatlarını daha səmərəli idarə etdiyini aşkar edir.
Ancaq digər tərəfdən, inzibati xərclərin 11,11% artması və aktivlər üzrə ehtiyat ayırmalarındakı kəskin azalma mənfəətin aşağı düşməsinə səbəb olub. Kapitalın rentabelliyi 10,88%-dən 8,21%-ə enərək kapitalın səmərəliliyində müəyyən çətinlikləri ortaya qoyub.
Balans strukturu təhlili göstərir ki, bank aktivlərinin ümumi həcmi 2,56% artaraq 121.328.270,08 manata çatıb, eyni zamanda öhdəliklər 5,70% azalıb. Aktiv tərkibində qiymətli kağızlara investisiyaların 61,68% artması və maliyyə institutlarından alınan vəsaitlərin 55,85% azalması bankın maliyyə strategiyasında dəyişiklik olduğunu göstərir.
Ümumi aktivlər 118.298.358,67 manatdan 121.328.270,08 manata qədər artaraq 3.029.911,41 manat (2,56%) artım qeydə alınıb. Ən əhəmiyyətli dəyişikliklər:
Ödənişlərin tərkindəki qiymətli kağızlara investisiyalar 36.762.091,48 manatdan 59.439.875,31 manata və ya 61,68% qədər artıb. Maliyyə institutlarından alınacaq vəsaitlər 55.85% azalaraq 34.917.321,31 manatdan 15.414.700,00 manata enib.
Müştərilərə verilmiş kreditlər 25.21% artaraq 1.779.649,32 manatdan 2.228.362,81 manat olub. Ümumi öhdəliklər 72.117.483,93 manatdan 68.008.657,38 manata enərək 4.108.826,55 manat (5,70%) azalıb. Əsas azalma maliyyə institutları qarşısında öhdəliklərdə (18.240.857,80 manatdan 14.093.659,07 manata) müşahidə olunub.
“Bank Melli İran”ın xarici valyuta mövqeyinin yenidən qiymətləndirilməsindən qazanc 2025-ci ildə 177.807,79 manat olub (2024: 58.367,80 manat). Bu 204,56% artım valyuta mühitində əlverişli şəraitdən yararlanıldığını göstərir.
Risk idarəetməsi baxımından kredit riskinin azaldığını göstərən göstəricilər müşahidə olunsa da, likvidlikdə müəyyən azalma qeydə alınıb.Belə ki, nağd pul vəsaitləri və digər banklardakı müxbir hesablar 41.314.532,47 manatdan 38.362.357,42 manata enib,
Valyuta əməliyyatlarından əldə edilən gəlirlərdəki əhəmiyyətli artım bankın beynəlxalq əməliyyatlarda uğur qazandığını təsdiq edir. Ümumilikdə, “Bank Melli İran”ın Bakı filialı əsas fəaliyyət göstəricilərində müsbət dinamika nümayiş etdirsə də, xərclərin idarə edilməsi və rentabelliyin artırılması istiqamətində tədbirlər həyata keçirilməsi zəruridir.