Beynəlxalq Valyuta Fondu (BVF) ölkələrə borc verən beynəlxalq təşkilatdır. 1944-cü ildə yaradılmış BVF, dünya iqtisadi stabilliyi təmin etmək, qlobal ticarəti dəstəkləmək, iş yerləri yaratmaq və iqtisadi artımı təşviq etmək məqsədilə fəaliyyət göstərir. BVF-nin əsas funksiyalarından biri ölkələrə maliyyə yardımı göstərməkdir.
Ölkələr maliyyə çətinlikləri ilə üzləşəndə və iqtisadi problemləri həll etmək üçün dəstək tələb etdikdə BVF-yə müraciət edirlər. BVF-nin maliyyə yardımı göstərməsi üçün müəyyən şərtlər və proqramlar təklif olunur. Şərtlər hər bir ölkənin spesifik problemlərinə və ehtiyaclarına görə dəyişə bilər.
BVF maliyyə yardımı göstərərək ölkəyə lazım olan likvidliyi təmin edir. Bu yardımlar, adətən, aşağı faiz dərəcələri ilə və müəyyən müddət ərzində geri ödənilmək şərtilə verilir. Yardımlar müxtəlif formalarda ola bilər, məsələn:
- Stand-by Arrangement (SBA): Qısamüddətli maliyyə yardımı.
- Extended Fund Facility (EFF): Uzunmüddətli maliyyə yardımı.
- Poverty Reduction and Growth Trust (PRGT): Aşağı gəlirli ölkələr üçün xüsusi proqram.
Məsələn, 2008-ci il maliyyə böhranından sonra bir çox ölkələr BVF-dən yardım aldı. Yunanıstan, Portuqaliya və İrlandiya kimi Avropa ölkələri BVF-nin yardımı ilə iqtisadi islahatlar həyata keçirdi və maliyyə vəziyyətlərini sabitləşdirdi.
1990-cı illərdə Rusiya da BVF-dən böyük borc götürdü və təklif etdiyi islahatları həyata keçirdi. Nəticədə borc 53 milyard dollara qədər artdı və 1998-ci ildə BVF-nin tövsiyə etdiyi islahatlardan sonra Rusiya defoltla üzləşdi. Sonradan Rusiyanın yeni rəhbərliyi təşkilatı ölkəni uçurumun kənarına çıxarmaqda günahlandırdı, 2005-ci ilə qədər bütün kreditləri qaytardı və o vaxtdan BVF ilə gələcək proqramlardan yayındı.
Hazırda beynəlxalq Valyuta Fonduna ən çok borcu olan ölkələr aşağıdaki cədvəldə təqdim olunur.
