“PAŞA Bank” ASC-nin İdarə Heyətinin sədri Cavid Quliyev 2024-cü ilin yekunlarına həsr olunan mətbuat konfransında bildirib ki, 2024-cü ildə “PAŞA Bank” ASC-nin kredit portfelində sektorlar arasında olan bölgüdə Ticarət müəssisələri, bankın kredit portfelinin ən böyük hissəsini 27%-ni, yəni 803,5 milyon manatını təşkil edir. Sənaye sektoru 21%-ni, yəni 644,0 milyon manatını təşkil edərək ikinci sırada yer alır. Digər qeyri-istehsal və xidmət sahələri isə 20%-ni, yəni 606,9 milyon manatını təşkil edərək üçüncü yerdədir.
Tikinti sahəsi 14%-ni, yəni 418,6 milyon manatını təşkil edərək portfelin dördüncü hissəsini tutur. Kənd təsərrüfatı sektoru 8%-ni, yəni 238,3 milyon manatını təşkil edərək beşinci sırada yer alır. Nəqliyyat sektoru isə 8%-ni, yəni 227,7 milyon manatını təşkil edərək altıncı yerdədir. Nəhayət, informasiya və rabitə sektoru kredit portfelindəki ən kiçik hissəni təşkil edir və bu sahəyə ayrılmış kreditlər 2%-ni, yəni 64,0 milyon manatını təşkil edir.
Azərbaycanın Ümumi Daxili Məhsulunun (ÜDM) tərkibinə baxdıqda, bankın kredit portfelinin tərkibinin ÜDM-in bölgüsünə kifayət qədər yaxın olduğunu müşahidə etmək olar. Bu da növbəti bir sübutdur ki, “PAŞA Bank” ASC-nin ümumi inkişaf strategiyası ölkənin qeyri-neft sektorunun inkişaf strategiyası ilə demək olar ki, üst-üstə düşür və bir-birinə çox uyğundur.