Çinin iri avtomobil istehsalçısı Chery ilə Yaponiyanın Nissan şirkəti Cənubi Afrika Respublikasında yerləşən istehsal aktivlərinin satışı barədə razılıq əldə edib.
GDP xəbər verir ki, razılaşmaya əsasən, Nissan torpaq sahəsini, istehsal binalarını və ştamplama sexini Chery-yə təhvil verəcək. Mövcud işçilərə Chery-nin Cənubi Afrikadakı törəmə şirkətində — Chery SA-da iş təklif olunacağı bildirilir.
Məlumata görə, Nissan restrukturizasiya planı çərçivəsində 2027-ci ilə qədər 17 müəssisəsindən 7-nin satışını nəzərdə tutur. Bu addım şirkətin xərclərin optimallaşdırılması və qlobal istehsal şəbəkəsinin yenidən qurulması strategiyasının bir hissəsi kimi qiymətləndirilir.