Çin avtomobilləri bir illik istifadədən sonra dəyərinin 50%-ni itirir.
GDP xəbər verir ki, 32,500 dollara satılan Geely Coolray 2023 modelini ikinci əl bazarında 17,100 dollara almaq mümkündür. Haval Jolion və Chery Tiggo 4 Pro isə bir illik istifadədən sonra dəyərinin 40%-ni itirir.
Müqayisə üçün, Yapon avtomobilləri dəyərinin 15-30%-ni, Alman avtomobilləri isə 18,5%-dən 34,5%-ə qədərini itirir. Məsələn, Mercedes-Benz E-Class bir ildən sonra 28% daha ucuz olur, Audi A6 isə dəyərinin 18,5%-ni itirir.
Bunun səbəbləri arasında Çin avtomobillərinin uzunmüddətli təcrübəsinin olmaması və onların dayanıqlılığı ilə bağlı şübhələr qeyd olunur. Mütəxəssislər hesab edir ki, zaman keçdikcə insanlar bu avtomobillərlə daha çox tanış olacaq və onların dəyər itirmə faizi əhəmiyyətli dərəcədə azalacaq