ABB Invest İnvestisiya Şirkətinin Biznesin İnkişafı Departamentinin direktoru Elçin Məmmədov şirkətin rəhbərliyinin hesabat konfransında 2024-cü il üzrə maliyyə nəticələri barədə məlumat verib.
GDP xəbər verir ki, Elçin Məmmədovun sözlərinə görə ABB Invest-in balans hesabatına əsasən, şirkətin aktivləri ötən illə müqayisədə əhəmiyyətli artım göstərərək 26,256 min manat təşkil edib. Bu göstərici 2023-cü illə müqayisədə 4,286 min manat və ya 20 faiz artım deməkdir.
Elçin Məmmədov qeyd edib ki, aktivlərin strukturunda əsas payı 19,876 min manatla investisiya portfeli tutur. “Nağd vəsaitlər 5,360 min manat, digər aktivlər isə 1,019 min manat səviyyəsində qeydə alınıb.2024-cü ildə şirkətin öhdəlikləri 19,630 min manat, səhmdar kapitalı isə 6,625 min manat təşkil edib.”
ABB-nin departament direktoru əlavə edib ki, ümumilikdə, ABB Invest-in balansı 2022-ci ildən bəri ardıcıl olaraq artaraq 14,544 min manatdan 26,256 min manata yüksəlib.