“Mastercard”ın Azərbaycan üzrə ölkə meneceri Emil Zeynalov bildirib ki, ölkənin aparıcı fintex şirkətlərindən biri “PashaPay” ilə “Mastercard” arasında innovativ rəqəmsal maliyyə həllərinə çıxışı genişləndirmək məqsədilə Anlaşma Memorandumu imzlanıb.
GDP-yə bu barədə açıqlama verən Zeynalov qeyd etdi ki, bu əməkdaşlıq çərçivəsində “PashaPay”in daxil olduğu “Bir” ekosisteminin üzvü “M-10” şirkəti birbaşa bir neçə sahədə Mastercard-la əməkdaşlıq edəcək. Əməkdaşlığın əsas istiqamətlərindən biri kart buraxılması olacaq. M-10 şirkəti Mastercard brendi altında kartlar buraxmağa başlayacaq.
Digər bir əməkdaşlıq sahəsi kibertəhlükəsizlik həlləri olacaq. Üçüncü olaraq, M-10 şirkəti Mastercard-ın məsləhət xidmətlərindən yararlana biləcək.
Emil Zeynalov həmçinin vurğulayıb ki, bu razılaşma Mastercard-ın MoneySend, Cross-Border Send və Alias Directory kimi xidmətləri vasitəsilə Azərbaycanda beynəlxalq pul köçürmələrinə daha geniş çıxışın qarşısını açır. Bu, ölkədə rəqəmsal maliyyə xidmətlərinin inkişafına və onların daha çox istifadəçiyə çatdırılmasına əhəmiyyətli dərəcədə töhfə verəcək.
Müəllif: