2025-ci ilin mart ayı üzrə Azərbaycanda fəaliyyət göstərən bankların ilə bağlı şikayət indeksi açıqlanıb.
GDP xəbər verir ki, Mərkəzi Bank tərəfindən yayımlanan məlumatlara görə, Yapi Kredi Bank Azərbaycan QSC, müştəriləri tərəfindən ən çox şikayət edilən bank olub, 3,73-lük şikayət indeksi ilə ilk sırada yer alıb.
Həmin hesabatda, bank müştərilərinin bank xidmətlərindən istifadə ilə bağlı şikayətlərinin müxtəlif sektorlarda necə bölüşdüyü, həmçinin hər bir bankın bu mövzudakı performansı ətraflı təqdim olunub. Yapi Kredi Bank-dan sonra Turanbank ASC (2,93) və Azər-Türk Bank ASC (2,77) müştəri şikayətlərinin ən yüksək olduğu digər banklar kimi qeyd olunub.
Şikayət İndeksinin Hesablanması və Metodologiya
Şikayət indeksi, banklar üzrə müştəri xidmətlərinə dair şikayətlərin bazar payı ilə müştəri sayının bazar payı arasındakı nisbətə əsaslanaraq hesablanır. Mərkəzi Banka daxil olan şikayətlər, hər bir bank üzrə ümumi sektordakı şikayətlərlə müqayisə edilərək müəyyən edilir.
Metodologiyada, şikayətlər arasında təkrar şikayətlər, kredit üzrə güzəştlər və Mərkəzi Bankın səlahiyyətlərinə aid olmayan məsələlər çıxarılaraq, yalnız müştəri xidmətləri ilə əlaqədar şikayətlər nəzərə alınır.