ABŞ Federal Ehtiyat Sistemi (FED) iyul iclasında uçot dərəcəsini dəyişməyərək 5,25-5,50 faiz səviyyəsində saxlayıb.
GDP Faiz qərarı yekdilliklə qəbul edilib.FED 2023-cü ilin iyul ayından etibarən faiz dərəcələrini bu səviyyədə saxlayıb.
Səlahiyyətlilər inflyasiyanın zəifləməsi və əmək bazarındakı azalma dinamikası ilə borclanma xərclərini azaltmağa yaxın olduqlarının siqnalını verib.
Vaşinqtonda 2 günlük görüşdən sonra rəsmilər çıxışlarında bəzi dəyişikliklər edərək, “inflyasiya riskləri”nə diqqət yetirmək əvəzinə, “ikili vəzifə”lərindəki risklərə qarşı ehtiyatlı olduqları mesajını verdilər.
Mətndə inflyasiyanın son aylarda 2 faizlik hədəfə doğru daha da irəlilədiyi, məşğulluq və inflyasiya hədəflərinə qarşı risklərin daha tarazlı olmağa davam etdiyi bildirilib.
Mətndə məşğulluğun yavaşladığı, lakin işsizlik səviyyəsinin hələ də aşağı olduğu ifadə edilib. Vurğulanıb ki, ötən ildən inflyasiya səngisə də, hələ də bir qədər yüksəkdir. İnflyasiyanın davamlı şəkildə hədəfə düşdüyünə əminlik olmasa, faiz dərəcəsinin aşağı salınmasının məqsədəuyğun olmadığı bir daha vurğulandı.
FED ötən ayki iclasında faiz dərəcələrini dəyişməsə də, bu il üçün faiz endirimi gözləntisini 3-dən 1-ə endirdi. İclasda 2024 və 2025-ci illər üçün inflyasiya proqnozlarına yuxarıya doğru yenidən baxılıb.
Pauelldən ismarıclar
Qərarın ardından FED sədri Jerome Powell keçirdiyi mətbuat konfransında məlumatlardan asılı olmağa davam etdiklərini bildirib. Sentyabr ayı toplantısı ilə bağlı əvvəlcədən qərar verilmədiyini, lakin faizlərin azaldılması nöqtəsinə yaxınlaşdıqlarını söyləyən Pauell.
Pauell, inflyasiyaya inamın artacağı və əmək bazarının gücünü qoruduğu təqdirdə, sentyabr ayında faiz dərəcəsinin aşağı salınmasının masada ola biləcəyini bildirib.
Prezident əlavə edib ki, inflyasiya hədəfdən bir qədər yuxarıdır və faiz dərəcəsinin aşağı salınması üçün inflyasiyanın aşağı düşdüyünə daha çox inam lazımdır.
Pauellin bəyanatından diqqət cəlb edən məqamlar aşağıdakılardır:
“Pul siyasətində məhdudlaşdırıcı mövqe davam edir.
İşsizlik səviyyəsi aşağı olaraq qalmaqda davam edir. Əmək bazarı məlumatları tədricən normallaşmaya işarə edir.
İclasda böyük əksəriyyət faiz dərəcələrinin aşağı salınmamasını dəstəkləyib.
İnflyasiya, məşğulluq, risk balansı bizim qərarımıza kömək edəcək.
Qarşıdakı yol iqtisadiyyatdan asılı olacaq.
Hesab edirik ki, faiz dərəcəsinin endirilməsi vaxtı yaxınlaşır.
İqtisadiyyatda sərt eniş riski olduqca aşağıdır.
“İqtisadiyyatın necə inkişaf etməsindən asılı olaraq, sıfır faiz dərəcəsindən tutmuş bir neçə faiz endiriminə qədər dəyişən ssenariləri təsəvvür edə bilərəm.”