ABŞ Mərkəzi Bankı (FED) faiz qərarını açıqladı.
GDP xəbər verir ki, iki günlük iclasın sonunda FED faiz dərəcələrini 4,25% – 4,50% aralığında sabit saxlayıb. Birjalarda da FED-in faizlərini dəyişməz saxlayacağı gözlənilirdi.
FED sədri Jerome Powell, ABŞ prezidenti Donald Trampın faizləri azaltmaq üçün təzyiqi altındadır.
Bəzi investorlar FED-in sentyabr və dekabr aylarında olmaqlabu il faizlərini iki dəfə aşağı salacağını nəzərdə tuturlar.
İnvestorlar bir sıra mərkəzi bank qərarlarını, iqtisadi hesabatları, şirkətlərin maliyyə nəticələrini, eləcə də ABŞ Prezidenti Donald Trampın 1 avqust tarif tarixini gözləyirlər. Həmçinin, bazar iştirakçıları bu həftənin sonunda açıqlanacaq ABŞ-ın iqtisadi məlumatlarını, o cümlədən inflyasiya rəqəmlərini və aylıq məşğulluq hesabatlarını da gözləyirlər.
Yaponiya Mərkəzi Bankı (BoJ) cümə axşamı faiz qərarını açıqlayacaq. BoJ-ın da faizni dəyişməz saxlayacağı gözlənilir.
Bakı vaxtı ilə saat 22:10-a olan məlumata görə, Avro/Dollar məzənnəsi 0,6% düşərək 1,1483 dollar olub (Avro ucuzlaşıb, dollar bahalaşıb). Qızılın unsiuyasının qiyməti 1%-ə yaxın düşərək 3297 dollar təşkil edib.