Amerikalı avtomobil istehsalçısı özünün tam elektriklə işləyən avtomobillər sırasına əsaslı xərclərini (CAPEX) kəskin şəkildə nəzərdən keçirərək, illik 40%-dən 30%-ə endirmək qərarına gəlib. Bu qərarın arxasında duran əsas amillərdən biri Fordun 2024-cü ilin birinci yarısı üçün elektrikli avtomobil (EA) biznesində 2,4 milyard dollar dəyərində itkilərinin dərc edilməsi idi.
GDP xəbər verir ki, hazırda şirkət istehsal olunan hər bir elektrikli avtomobilə görə təxminən 44.000 dollar itirir və ilin sonuna qədər bu seqmentdə xalis itkilər ABŞ-da zəif istehlak tələbi səbəbindən 5-5.5 milyard dollara qədər arta bilər. 2023-cü ildə EA satışlarının artımı +46%, idi. 2024-cü ilin birinci yarısında artıq +7%-ə düşüb.
Yeni strategiyaya əsasən, Ford hibrid platformanın yaradılması lehinə üç sıralı EV yolsuzluq avtomobilinin dizaynından və istehsalından imtina edəcək və elektriklə işləyən “F-150 Lightning” pikapının buraxılışını iki il gecikdirəcək. Əvvəllər Ford şirkətinin baş direktoru və prezidenti Cim Farli vurğulamışdı ki, şirkət bu il hibrid seriyasının satışlarında +40% artım gözlədiyini açıqlamışdı.
Ford investorlara xəbərdarlıq edib ki, yeni strategiyanın həyata keçirilməsi ilə bağlı “əlavə xərclər və gözlənilməz məsrəflər” 2 milyard dollara çata bilər. Bundan əlavə, avtomobil istehsalçısı, xüsusilə ABŞ-da istehsalın bir hissəsini lokallaşdırmaq və Bayden administrasiyasının İnflyasiyanın Azaldılması Aktı çərçivəsində vergi güzəştlərindən istifadə etməklə, EA batareyası tədarük zəncirini yenidən qiymətləndirməyi planlaşdırdığını açıqladı. Bu addım qlobal bazarda daha ucuz Çin alternativlərinin mövcudluğu fonunda amerikalı istehsalçının rəqabət qabiliyyətini artırmaq məqsədi daşıyır.