Fransada siyasi və iqtisadi gərginlik kəskinləşir. Son 14 ildə ölkənin səhmləri Avropada ən zəif performans göstərənlərdən biri olub, CAC40 indeksi son 24 ildə yalnız 9% artaraq ciddi durğunluq nümayiş etdirir.
GDP xəbər verir ki, investorlar ölkənin maliyyə vəziyyəti ilə bağlı ciddi narahatçılıq keçirir. Fransız dövlət istiqrazlarının gəlirliyi ilk dəfə olaraq yunan istiqrazlarının səviyyəsinə çatıb, bu isə hökumətin 2025-ci il üçün büdcə siyasəti ilə bağlı ciddi şübhələr yaradır.
Siyasi böhran daha da dərinləşir. Parlament prezident əksəriyyətindən məhrum olub və sol fraksiyalar sosial xərclərin artırılmasında israr edir. Müxalifət dekabr ayında hökumətə etimadsızlıq göstərmək üçün hazırlıq aparır.
Makronun hökuməti büdcə kəsirini azaltmaq üçün radikal addımlar atmağa başlayıb. İlk tədbir olaraq plastik şüşələrdə suya ƏDV-ni 5,5%-dən 20%-ə qədər artırıb, bu addımın dövlət büdcəsinə təxminən 300 milyon avro gətirəcəyi gözlənilir.
Hazırkı proqnozlara görə, büdcə kəsiri bu il 6%-i keçəcək ki, bu da Avropa İttifaqının tələblərinə (ÜDM-in 3%-i) ciddi şəkildə ziddir.
Ekspertlər Fransanın hazırkı maliyyə vəziyyətini son illərin ən ciddi böhranı kimi qiymətləndirirlər.
