Business Insight-un “PeopleMetr” seriyasından “Rəqəmsal Vərdişlər” adlı tədqiqatı çərçivəsində 1320 respondent arasında aparılan sorğunun nəticələrinə əsasən, Azərbaycan ərazisində TV izləmə vərdişləri belə formalaşıb:
GDP xəbər verir ki, ən çox tətbiq olunan üsul peyk antenalarından istifadədir. Bu üsulla TV izləyənlərin 68.8 faizi öz sevimli proqramlarını izləyir. Digər üsullar isə belə paylanır: 12.9 faiz KATV 1 (kabel televiziya operatoru) , 5.0 faiz CİTYNET , 4.7 faiz digər vasitələr (önəmli kabel televiziya operatorları, TV BOX, DTV kimi) , 4.3 faiz kanalın öz saytından , 3.8 faiz IP (AYPI) TV , 2.7 faiz NETFLIX , 2.0 faiz AliExpress TV , 1.8 faiz ATV+ , 1.1 faiz Aztelecom/SNTV , 0.2 faiz EXXEN və 0.2 faiz City line istifadə edir.
Bakı şəhərində bu göstəricilər bir qədər fərqlənir. Burada da ən geniş yayılmış üsul peyk antenasından istifadədir və TV izləyənlərin 81.7 faizi bu üsulu seçib. Lakin, KATV 1 (kabel televiziya operatoru) istifadəsi daha aşağı səviyyədə qalır (5.7 faiz ). Digər üsullar isə belə sıralanır: 2.5 faiz CİTYNET , 4.7 faiz digər vasitələr (kabel televiziya operatorları, TV BOX,…) , 3.2 faiz kanalın öz saytından , 2.5 faiz IP (AYPI) TV , 1.6 faiz NETFLIX , 0.6 faiz AliExpress TV , 0.6 faiz ATV+ , 1.6 faiz Aztelecom/SNTV . İlginç olaraq, Bakıda EXXEN və City line istifadəsi tamamilə sıfır olub.
Bölgələrdə isə bu paylanma bir daha dəyişir. Burada peyk antenasından istifadə edən TV izləyənlərin nisbəti 36.5 faizə düşür, lakin KATV 1 (kabel televiziya operatoru) istifadəsi olduqca yüksəkdir (31.0 faiz ). Digər üsullar isə belə paylanır: 11.1 faiz CİTYNET , 4.8 faiz digər vasitələr (kabel televiziya operatorları, TV BOX,…) , 7.1 faiz kanalın öz saytından , 7.1 faiz IP (AYPI) TV , 5.6 faiz NETFLIX , 5.6 faiz AliExpress TV , 4.8 faiz ATV+ . Qeyd edək ki, bölgələrdə Aztelecom/SNTV istifadəsi sıfır olub, EXXEN və City line isə hər biri 0.8 faiz səviyyəsində qalmışdır.