Azərbaycanın ən geniş bank şəbəkəsinə malik olan Birbank, “Essentials of Modern Marketing” Azerbaijan Edition (Müasir Marketinqin Əsasları Azərbaycan Nəşri) layihəsinə qoşulub.
Kapital Bank-ın İdarə Heyətinin Sədri Farid Huseynov bu əməkdaşlıqla bağlı fikirlərini bölüşərək bildirib ki, dünya marketinq elminin simvolu sayılan Filip Kotlerin kitabında yer almaq həm qürurverici hadisə, həm də böyük məsuliyyətdir.
Huseynov qeyd edib ki, bank müştərilərin gündəlik maliyyə davranışlarına əsaslanan müasir texnologiyalar tətbiq etməklə bank xidmətlərini daha asan və əlçatan edir. O, həmçinin vurğulayıb ki, bu layihədə iştirak etmək Birbank-ın son 5 ildəki uğur yolunu gənc nəsillərlə və biznes peşəkarları ilə bölüşmək fürsəti yaradır.
Qeyd edək ki, “Müasir Marketinqin Əsasları” kitabı 100 ölkəni əhatə edən və real biznes nümunələri ilə zənginləşdirilmiş nüfuzlu bir vəsaitdir. Kitabda brend idarəçiliyi, məhsulun bazara çıxarılması, qiymət strategiyaları, marketinq kommunikasiyaları və rəqəmsal transformasiyanın marketinq strategiyalarına təsiri kimi mövzular araşdırılır.