28 iyul 2025-ci il tarixində “Kapital Bank” ASC səhmdarlarının növbədənkənar ümumi yığıncağı keçiriləcəkdir.
GDP xəbər verir ki, səhmdarların növbədənkənar ümumi yığıncağının gündəliyinə ““Kapital Bank” ASC tərəfindən 2024-cü il üzrə maliyyə ilinin yekunlarına əsasən səhmdarlara dividend ödənilməsi barədə” məsələ daxildir.
Yığıncaq saat 11.00-da, Bakı şəhəri, Nərimanov rayonu, Əhmədbəy Ağaoğlu küçəsi 61 nömrəli ünvanda yerləşən ADA Universitetinin” E” binasında (2-ci mərtəbədə yerləşən “Collaboration Room”) keçiriləcəkdir.
“Kapital Bank” ASC-nin 31 dekabr 2024-cü il tarixində başa çatan il üzrə müstəqil auditorun hesabatı ilə birlikdə konsolidasiya edilmiş maliyyə hesabatlarına görə, Bank ötən ili 239 milyon 182 min manat xalis mənfəət ilə başa vurub.
2024-cü ilin sonuna olan məlumata görə, “Kapital Bank”ASC-nin nizamnamə kapitalının 99,89%-i “PAŞA Holdinq” MMC-yə, 0.11%-i fiziki şəxslərə məxsusdur.