Azərbaycan Mərkəzi Bankı (AMB) ev təsərrüfatlarının istehlak, yığım və borclanma davranışlarını öyrənmək məqsədilə “Ev təsərrüfatlarının maliyyə davranışı və niyyətləri” adlı yeni sorğuya start verib.
GDP xəbər verir ki, sorğu bu gündən etibarən Mərkəzi Bankın rəsmi veb saytında yerləşdirilib və geniş ictimaiyyətin iştirakına açıqdır. Layihə çərçivəsində ev təsərrüfatlarının cari və gözlənilən istehlak-yığım meylləri, borc yükü və ödəmə imkanları ilə bağlı məlumatlar toplanacaq.
AMB-nin yaydığı məlumata görə, bu məlumatlar ölkənin makroiqtisadi göstəricilərinin təhlili və proqnozlaşdırılması, eləcə də pul və maliyyə sabitliyi siyasətinin formalaşdırılması baxımından böyük əhəmiyyət kəsb edir. Sorğu ildə 4 dəfə, hər rübdə bir dəfə keçirilməsi nəzərdə tutulur.
Mərkəzi Bank bildirir ki, ev təsərrüfatlarının maliyyə davranışları inflyasiyanın səviyyəsi və gözləntilərinin formalaşmasında mühüm rol oynayır. Eyni zamanda, borc yükü və onun ödənilməsi ilə bağlı göstəricilər vətəndaşların maliyyə dayanıqlılığı və iqtisadi qərarlarının əsas indikatorlarından biridir.
Vətəndaşlar sorğuda iştiraka bu keçid vasitəsilə qoşula bilər, həmçinin iştirakla bağlı ətraflı izahedici videoçarxlaburadan tanış olmaq mümkündür.