Mərkəzi Bank nümayəndələri və İsveçrə Milli Bankı (İMB) arasında təcrübə mübadiləsi məqsədli səfər baş tutub.
GDP xəbər verir ki, görüşlərdə müxtəlif pul siyasəti strategiyaları, təhlil və proqnozlaşdırma təcrübəsi müzakirə edilib.
Səfər zamanı xüsusilə qlobal və yerli iqtisadi dəyişikliklər şəraitində tarazlı real faiz dərəcəsinin əhəmiyyəti və bunun maliyyə sabitliyinə təsiri məsələlərinə diqqət yetirilib.
Həmçinin, İMB-nin təhlil-proqnozlaşdırma sistemi, model portfeli və statistik bazadan istifadə təcrübəsi öyrənilib. Tərəflər pul siyasəti qərarlarının icrası, faiz dərəcələrinin tənzimlənməsi, daimi imkan və açıq bazar əməliyyatları kimi mühüm istiqamətlərdə də fikir mübadiləsi aparıblar.
Qeyd olunub ki, gələcəkdə də bu istiqamətlər üzrə əməkdaşlığın davam etdirilməsi planlaşdırılır.
