Azərbaycan Mərkəzi Bankında keçirilən mətbuat konfransında qurumun Statistika departamentinin direktoru Samir Nəsirov, ölkəyə daxil olan pul köçürmələrinin azalmasını normallaşma olaraq qiymətləndirdiklərini açıqlayıb.
GDP -nin məlumatına görə, Nəsirov bildirib ki, 2020-ci ildə pandemiya və 2022-ci ildə Rusiya-Ukrayna münaqişəsi səbəbindən ölkəyə böyük həcmdə pul köçürmələri həyata keçirilib, lakin hazırkı dövrdə bu məbləğlərin azalması, iqtisadi cəhətdən normallaşma prosesinin bir hissəsidir.
Nəsirov qeyd edib ki, 2019-2020-ci illər arasında müqayisə apardıqda, pul köçürmələrinin həcmi demək olar ki, eyni səviyyədədir və hətta bir az artım da müşahidə olunur. Onun sözlərinə görə, 2020-ci ilin pandemiyası və 2022-ci ildəki münaqişə dövründə böyük həcmdə təxminən 3.6 milyard dollarlıq pul köçürmələri reallaşdırılıb və bu münaqişə yalnız Azərbaycana deyil, MDB məkanında pul köçürmələrinin göstəricilərinə da təsir edib.
“Biz hazırda baş verən azalmanı azalma kimi deyil, normallaşma kimi qiymətləndiririk. Bu, iqtisadi baxımdan düzgün yanaşmadır, çünki bu dövrün xüsusiyyətləri artıq dəyişib və biz buna təbii şəkildə yanaşmalıyıq”, – deyə Nəsirov bildirib.
Bundan əlavə, o, normallaşma prosesinin nəticəsi olaraq, ölkəyə daxil olan pul köçürmələrinin dinamikasında sabitlik müşahidə olunduğunu qeyd edib və bunun ölkə iqtisadiyyatı üçün normal olduğunu vurğulayıb.
Mərkəzi Bankın rəsmisi həmçinin bildirib ki, bu proseslərin uzunmüddətli iqtisadi inkişafla əlaqədar müsbət təsirləri olacaq.