Mərkəzi Bankın sədrinin birinci müavini Əliyar Məmmədyarovun rəhbərlik etdiyi nümayəndə heyəti Gürcüstanda “Ant International” (Alipay) şirkətinin baş vitse-prezidenti Limin Çen ilə görüşüb.
GDP xəbər verir ki,görüşdə Azərbaycanda maliyyə texnologiyalarının (fintech) inkişafı, rəqəmsal ödəniş sistemlərinin təşviqi və digər əməkdaşlıq imkanları müzakirə olunub.
Mərkəzi Bankın yaydığı məlumata görə, tərəflər ikitərəfli maraq doğuran layihələr üzrə birgə iş potensialını araşdırıblar. “Ant International” dünyanın aparıcı rəqəmsal ödəniş platformalarından biri olan Alipay-in ana şirkətidir və Azərbaycanla təcrübə mübadiləsi fintech sahəsində yeni imkanlar aça bilər.
Bu səfər Azərbaycanın rəqəmsal iqtisadiyyatı gücləndirmək və ödəniş infrastrukturunu müasirləşdirmək strategiyası çərçivəsində təşkil olunub.