Azərbaycan Mərkəzi Bankının 2025-ci ilin yanvar-may aylarına dair açıqladığı məlumata görə, ölkədə fəaliyyət göstərən banklarda fiziki şəxslərin əmanətlərinin 66.7%-i və ya 9,835.1 milyon manatı milli valyutada, 33.3%-i və ya 4,899.2 milyon manatı isə xarici valyutadadır.
GDP Mərkəzi Banka istinadla xəbər verir ki, fiziki şəxslərin ümumi əmanət portfelinin 62.4%-i və ya 9,198.5 milyon manat müddətli əmanətlərdən ibarətdir. Müddətli əmanətlərin may ayında 0.7% artaraq 62.7 milyon manat təşkil etdiyi qeyd olunub. Tələbli əmanətlər isə daha yüksək artım göstəricisinə sahibdir. May ayında tələbli əmanətlər 2.3% artaraq 123.6 milyon manat olub.
May ayı ərzində bank sektoru üzrə unikal müddətli əmanətçilərin sayı 2% yəni 3,205 əmanətçi artıb. Eyni zamanda, ilin əvvəlindən bəri müddətli əmanətçilərin sayı 9.7% və ya 14,542 əmanətçi artaraq sektordakı inamın və maliyyə məhsullarına marağın yüksəldiyini göstərir.