Azərbaycan Respublikası Mərkəzi Bankı “MilliKart” MMC-yə ödəniş sistemi operatoru fəaliyyətini həyata keçirmək hüququ verən müddətsiz lisenziya təqdim edib.
GDP xəbər verir ki, bu qərar “Ödəniş xidmətləri və ödəniş sistemləri haqqında” Azərbaycan Respublikası Qanununa əsasən həyata keçirilib. Mərkəzi Bank tərəfindən ödəniş xidmətləri və ödəniş sistemləri fəaliyyətinin göstərilməsi üçün lisenziya əldə etmək məqsədilə müraciət etmiş təşkilatların qiymətləndirilməsi prosesi çərçivəsində bu qərar verilib.
Mərkəzi Bankın İdarə Heyətinin qərarı ilə verilən bu lisenziya “MilliKart” MMC-yə ödəniş sistemi operatoru kimi fəaliyyət göstərmək imkanı yaradır.