Azərbaycan Respublikası Dövlət Neft Fondunun 2024-cü il üçün dəyişikliklərdən sonra gəlirləri 14,109,215.6 manat, xərcləri isə 12,904,943.4 manat təşkil edib.
GDP xəbər verir ki,2025-ci ildə isə Fondun gəlirləri 14,452,465.2 manat, xərcləri isə 14,640,224.9 manat səviyyəsində təsdiq edilib.
Fondun 2025-ci ildə gəlirlər 343,249.6 manat və ya təxminən 2% artıb. Eyni zamanda, xərclərdə 1,735,281.5 manat və ya təxminən 13% artırılıb.
Gəlir mənbələrini nəzərdən keçirildikdə, karbohidrogen satışından gəlirlər 2024-cü ildə 10,197,589.6 manat olduğu halda, 2025-ci ildə bu göstərici 9,797,268.0 manata qədər azalacağı proqnoz edilir. Bu, 400,321.6 manat və ya təxminən 4% azalma deməkdir. Valyuta aktivlərinin idarəsindən əldə edilən gəlirlər 2024-cü ildə 3,462,265.7 manat olub, 2025-ci ildə isə bu rəqəm 3,131,968.3 manata qədər enib. Azalma 330,297.4 manat və ya təxminən 9% təşkil edib.
Xərclər üzrə isə ən böyük artım dövlət büdcəsinə transfertlərdə müşahidə olunub. 2024-cü ildə bu göstərici 12,781,000.0 manat olduğu halda, 2025-ci ildə bu rəqəm 14,481,000.0 manata çatıb. Artım 1,700,000.0 manat və ya təxminən 13% təşkil edir. Ali təhsil proqramlarının maliyyələşdirilməsinə ayrılan vəsait 2024-cü ildə 47,459.0 manat olduğu halda, 2025-ci ildə bu məbləğ 90,786.0 manata yüksəldilib. Artım 43,327.0 manat və ya təxminən 91% təşkil edib. Bununla yanaşı, Fondun idarəetmə xərclərində azalma qeydə alınıb. 2024-cü ildə bu xərclər 43,725.5 manat olduğu halda, 2025-ci ildə 38,246.5 manata düşüb. Azalma 5,479.0 manat və ya təxminən 12% təşkil edib.
Ümumilikdə, 2025-ci il üçün gəlirlərdə cüzi artım müşahidə edilsə də, xərclərin daha yüksək templə artması diqqəti cəlb edir.. Gəlirlərdəki azalma karbohidrogen satışından və valyuta aktivlərinin idarəsindən əldə olunan gəlirlərdə müşahidə edilən azalmalardan qaynaqlanıb. Xərclərin artımı isə əsasən dövlət büdcəsinə transfertlərin və ali təhsil proqramlarının maliyyələşdirilməsi istiqamətində olub.