Azərbaycan Respublikasının Dövlət Neft Fondunun 2025-ci ilin ilk üç ayında isə aktivlər əlavə 2,7 milyard dollar artaraq mart ayında 62,7 milyard dolları ötüb.
GDP xəbər verir ki, Fondun valyuta strukturunda ABŞ dolları və Avro əsas valyutalar olaraq qalmaqla birlikdə, Çin yuanı da əhəmiyyətli yer tutur. Maraqlıdır ki, 2024-cü ildə 20,6% olan qızılın payı 2025-ci ilin ilk rübündə 25,8%-ə qalxmışdır ki, bu da fondun qlobal iqtisadi qeyri-sabitlik şəraitində təhlükəsiz aktivlərə üstünlük verdiyini göstərir. Qızıl ehtiyatlarının 146,6 tondan 165,3 tona qədər artırılması bu strategiyanın açıq ifadəsidir.
İnvestisiya portfelinin aktivlər üzrə bölgüsündə də əhəmiyyətli dəyişikliklər müşahidə olunur. 2024-cü ildə 46,9% paya malik olan istiqrazların nisbəti 2025-ci ilin əvvəlində 42,6%-ə enmiş, eyni zamanda səhmələrin payı 26,6%-dən 24,8%-ə qədər azalmışdır. Bunun əksinə olaraq, daşınmaz əmlak investisiyalarının payı 5,9%-dən 6,8%-ə qədər artmışdır ki, bu da fondun uzunmüddətli aktivlərə marağının artdığını göstərir.