Neftin qiymətləri əvvəlki iki sessiyada kəskin ucuzlaşmadan sonra yenidən artmağa başlayıb.
GDP xəbər verir ki,treydlər Yaxın Şərqdə vəziyyəti diqqətlə izləyirlər. İsrail və İran arasında atəşkəs rejiminin qüvvəyə minməsi bölgədən neft tədarükündə mümkün kəsintilər barədə narahatlıqları azaldıb.
London ICE Futures birjasında avqust ayı üzrə Brent markalı neft fyuçerslərinin qiyməti Bakı vaxtı ilə saat 08:20-yə olan məlumata əsasən bir barel üçün 67,91 dollar təşkil edir ki, bu da əvvəlki ticarət sessiyasının bağlanış qiyməti ilə müqayisədə 0,77 dollar və ya 1,15% çoxdur.
Nyu-York Əmtəə Birjasının (NYMEX) elektron ticarətində avqust ayı üzrə WTI markalı neft fyuçerslərinin qiyməti isə bu vaxta qədər 0,73 dollar və ya 1,13% artaraq bir barel üçün 65,10 dollar təşkil edib.